Non puido ser, a pequena Eslovaquia non puido coa todopoderosa Rusia, pero non importou, porque os eslovacos están tremendamente orgullosos da súa seleccion e do que conseguiron, probablemente se celebre máis o subcampionato aquí que o título en Moscú.
Dispostos a integrarnos a toda costa, como bos eslovacos, acudimos á praza do centro comercial Eurovea onde miles de persoas iban ver o partido (as prazas do centro da cidade estaban xa a tope e eran máis incómodas).
O ambiente era tremendo, sobre todo a medida que iban desaparecendo miles de litros de cerveza das estanterías do supermercado e rulaban os barrís nos bares dos arredores.
Eslovaquia comezou gañando aos 30 segundos, pero foi un espellismo, Rusia dominou todo o partido e púxose con 5-1 ao seu favor.
Unha vez os eslovacos foron asumindo que non habia opcions, comezaron a animar mais forte, a cantar máis, e nese momento chegou o 2º gol, que polo menos deixaba bo sabor de boca.
Ao final, pese a derrota, os aficionados comezaron a cantar "ĎAKUJEME" (grazas, aos xogadores).
Despois xa todo foi festa por toda a cidade, xa vos podedes imaxinar, a mágoa é que é domingo e hai que madrugar ao día seguinte.
PD: Por certo, o titulo da entrada é un cantico que se escoitaba hoxe despois do partido, grazas chavales, para nós, vós sodes de ouro.
No hay comentarios:
Publicar un comentario