Homenaxe no día da Victoria

Pois como xa sabedes, hoxe foi o día da victoria sobre o fascismo, e o que é máis importante, día festivo en Eslovaquia.

Por eso optei por darlle un destino axeitado ao meu día libre e fun visitar o cemiterio ruso de Slavin, aquí en Bratislava, o monumento homenaxe ás victorias sobre os nazis en Eslovaquia.

A pesar de ser un parque moi chulo para ir pasear, non deixa de ser un cemiterio, polo que está prohibido levar cans, ou facer calquera tipo de actividade deportiva alí.

Neste cemiterio están enterrados máis de 6.800 soldados rusos, curiosamente, algunha tumba ten foto (e flores)

 Dende este punto, hai unhas fermosas vistas de Bratislava I. Pódese ver incluso o Castelo que vos mostraba o outro día, de feito ambos monumentos son os puntos máis altos da cidade.

Como xa dixen, todo moi verde e bastante coidado, aínda que supoño que por ser precisamente hoxe o día que era, de feito había policías no lugar.