Vazení hostia:

Así comeza o cartel de benvida do meu apartamento/estudio/hotel. "Vazení hostia", que significa "distinguidos hóspedes".

A sensacion que me dá ao entrar, é que estou accedendo a unhas instalacións da CIA, xa que teño unha tarxeta que abre a porta do apartamento (ata aquí normal).

Pero é que para acceder ao pasillo onde está o estudio xa necesito pasar tamén a tarxeta.

E como non podía ser doutro xeito, o mesmo acontece no ascensor, que ten dentro un lector, e se non metes a tarxeta, non podes pulsar os botóns.

A porta de entrada tamén vai coa famosa tarxetiña, e alí tamén hai un segurata de 21:00 a 08:00 h.

Bueno, por se alguén ten curiosidade por como é por dentro, aquí van unhas fotos.

É un estudio con hall,  baño, cociña "full equip", tele por cable, internet, servizo de limpeza diario e cambio de sábanas e toallas semanal, un 3 estrelas nada menos, que como dín na miña terra "para quen é o porco, ben vale o cortello"









Esta foto de aquí non a saquei eu, como se pode ver, pero necesitaría poñer 3 miñas para poder coller toda esa perspectiva, e total é o mesmo apartamento.

Aquí o anaco que non se vía na foto anterior (bueno, faltan o hall cos armarios e o baño tamén).

Pódese apreciar como estaba vendo o Atletico-Real Madrid ao tempo que enviaba correos como un tolo.